По педесет години поминати во гаража првиот британски робот повторно заживеал. Роботот Џорџ за својот нов живот може да му се заблагодари на пензионираниот офицер на британските воздушни сили Тони Сејл, кој го изработил од остатоци на бомбардер. Во тоа време Џорџ бил првиот робот во Велика Британија.
По пет децении поминати во гаража, Тони се обидел повторно да го активира Џорџ. Му ги подмачкал деловите и ги заменил батериите. Бил сигурен дека повторно ќе работи и бил во право. Роботот висок 1,8 метри Тони го правел во слободно време. Џорџ се движи на две батерии, може да мрда со главата, да оди, да седи и да ги движи рацете. Роботот го подарил на националниот компјутерски музеј.
