Селекторот на македонската ракометна репрезентација Владимир Глигоров, успеа да ги сколопи коцките и да ја одведе Македонија во главната фаза. Огромен бил психолошкиот товар, но девојките одговориле на преизвикот покажувајќи карактер.
– Очекував ваков психолошки товар на плеќите на нашите репрезентативки. Одлично го отворивме мечот на кој направивме предност, барав да играме смирено да се одржува разликата, но дојде пад во играта србинките ја анулираа разлика. Играта на конец во вториот дел, во кој заигравем далеку поангажирано даде плод и еве не во втората фаза.
Следуваат уште три тешки меча за македонските репрезентативки на кои ќе може “растеретено“ да настапат .
– Се надевам дека овие тешки натпревари нема да остават трага, мал број на ракометарки го понеса товарот во овие тешки меча кои се одиграа под голем психолошки пртисиок.
Глигоров несака да прогнозира кој е крајниот дострел на оваа репрезентација. Примаранта цел е остварена, на девојките останува да го дадат максимумт и во една тимска игра да стигнат до нови победи, тимот тешко се победува, тимот секогаш победува.
