Фудбалерот на Алки Ларнака, Никола Глигоров заедно со Демири одиграа фантастично прво полувреме на средината од теренот против селекцијата на Данска. Со головите во првите 45 минути “црвено жолтите“ славеа со 3-0.
– Не паметам ваков настап на македонската селекција во последниот период. Со Демири на средината на теренот функционираме одлично, си помагаме еден на друг се за доброто на репрезентацијата – потенцираше Глигоров.
Глигоров поради жолти картони ќе нема право на настап против Белгија, а товарот на средината од теренот на мечот со белгијците ќе падне на Демири.
– Штета што немам право на настап, но јас верувам во репрезентативците дека можат да приредат изненадување во Скопје, а во Белгија заедно да испишеме историја во македонскиот фудбал – заврши Глигоров.
Мх.П.
