Охридските ракометари забележаа нова победа во подготвителните натпревари, триумфирајќи во Прилеп против истоимениот состав со 28-26 (15-17).
„Гладијаторите“ не беа на висина од задачата во првиот дел, кој не само што го загубија, туку на противникот му дозволија дури 17 голови.
Избраниците на Раде Стојановиќ коцките за победа ги наместија во вториот дел, играјќи фантастична одбрана. Охриѓани го маѓепсаа голот, а нападот на спротивната страна погодуваше за нов триумф во тест натпреварите.
Екипата на Охрид, генералката за пролетната полусезона во Супер лигата ќе ја има в сабота во СРЦ „Билјанини Извори“. Ривал ќе му биде Прилеп.
OhridNews
