Во рамки на проектот„Отворање на западноевропскиот пазар за групни патувања за туристички агенции од Балканот“, претставици на шест туроператори од Германија престојуваат во четиридневна посета на Македонија.
Во рамки на проектот кој поддржан од Германското друштво за техничка соработка (ГТЗ), германските туроператори денеска престојуваат во Охрид. Тие утррово ги разгледуваа културно-историските знаменитости и имаа прошетка со брод по Охридското Езеро, по што се сретнаа со туристичките работници и претставници на градот.
Целта на проектот е германските туроператори да се запознаат со убавините и културно-историското богатство, како и со севкупната туристичката понуда на Македонија и земјите во регионот за што е изготвен и веб-портал www.balkan-schaetze.com на кој се претставени „Богатствата на Балканот“, вклучувајќи ги и туристичките понуди на агенциите од регионот.
Ohridnews
