Приказната на 29-годишниот Патрик и неговата 24-годишна Сузан Стубинг допира до едно од најголемите табуа на нашата цивилизација и наликува на античка трагедија. Патрик бил даден на посвојување кога имал 4 години и до полнолетноста не знаел кои му се биолошките родители. Ги пронашол во 2000 година, во Лајпциг – тогаш првпат ја видел својата мајка и сестрата Сузан. Само шест месеци подоцна, мајката починала од срцев удар. Патрик и Сузан објаснуваат дека во тие моменти болката ги споила и работите едноставно се случиле.
„Ништо не можевме да сториме“, рекла Сузан. Од нивната врска родени се четири деца. Најстарото има пет, а најмладото година. Сите им се одземени , а две дечиња имаат психички тегоби заради крвното сродство на родителите. Од раѓањето на првото дете почнало и влечкањето по судови – Патрик поминал 10 месеци во затвор, откако судот го прогласил виновен за „незаконски коитус“ со сестра си.
„Да ни дозволеа да го задржиме првото дете и да живееме како семејство, нема да имавме повеќе деца“ – рекле. Патрик, невработен механичар, во меѓувреме се подвргнал на стерилизацијаи понатаму живее со сестрата. Нивниот застапник вели дека имаат шанса да победат на судот: како крунски доказ наведува дека законот не забранува на оние со наследни болести или постари лица да имаат деца иако во тие случаи има ризик од ментални и телесни деформации.
V-list
