Капитенот на германската репрезентација Михаел Балак поради повреда ќе го пропушти престојното Светско првенство во Јужна Африка.
33-годишниот Балак повредата ја здоби во финалето од ФА Купот на Англија по стартот на Кевин Боатенг. Лекарите на германската репрезентација прогнозираат дека средниот фудбалер на Челси ќе паузира два месеци.
– Многу е горчлив вкусот кога ќе слушнете таква дијагноза на две или три недели од почетокот на Светското првенство. Разочаран сум многу. изјави капитенот на германската репрезентација Михаел Балак.
Моментот од повреда во ФА Купот.
Мх.П.
