Невистини и шпекулации пласира лидерот на СДСМ, Бранко Црвековски, обвини ВМРО Народна партија во ракцијата по повод изнесените ставови на лидерот на најголемата опозициска партија дека состојбите во Македонија не се одвиваат во добра насока.
– Ставот на Бранко Црвенковски, дека зголемените тензии на меѓуетничка основа се присутни во Република Македонија и дека состојбите не се одвиваат во добра насока, не е ништо ново, затоа што тој став, господинот Љубчо Георгиевски повеќе од една година на неколку наврати јавно го има кажано.Со пласирањето на невистини и тенденциозни изјави, за случувањата во 2001 година, само се потврдува фактот дека Бранко Црвенковски и СДСМ, во тој период не беа на страна на Република Македонија. Имено, тезата дека: ,,Никола Груевски, живее во филмот на Љубчо Георгиевски,, е само груба манифестација на искривување на фактите.
Да го потсетиме господинот Бранко Црвенковски за 2001та година:
-Во 2001 година, во Република Македонија, немаше никаков филм, туку реална војна со реални жртви и со реална опасност за Република Македонија.
-Факт е дека Република Македонија, беше нападната од екстремисти од страна на Косово, на кои им се придружија и екстремистите од Република Македонија.
-Факт е дека на таа агресија, се спротистави само тогашната влада на господинот Љубчо Георгиевски.
-Исто така факт е дека Бранко Црвенковски, во тој период комуницираше со командантите на ОНА, а единствено нешто што го интересираше беше датумот за Предвермени Парламентарни избори.
Ова е вистината за тоа кој каде беше во 2001 година и која за кого работеше-се вели во реакцијата на ВМРО НП.
