Македонскиот интернационалец во дресот на Стеуа, Даниел Георгиевски се врати на тренинзите по долга пауза поради тешката повреда. Информацијата за враќањето на Георгиевски ја потврдија од клубот, кои потенцираа дека повредата е минато.
– На тренинзите ни се врати Георгиевски. Тој нема да конкурира за дуелите со Челси во Лигата на Европа, но тоа најмалку важно бидејќи повредата на ногата е одлично санирана – рече тренерот на Стеуа, Лоренциу Регенкампф.
Веста за санирањето на повредата на Георгиевски со сигурност ќе го израдува селекторот на А репрезентацијата, Чедомир Јаневски, кој на распологање ќе го има за наредните мечеви на македонската селекција.
Мх.П.
