Спектакулерен натпревар одиграа Милан и Удинесе кој и покрај осумте постигнати погодоци заврши без победник 4-4. Еден од легендите на клубот Џенаро Гатузо смета дека “росонерите“ не смеаaт да ја испуштат оваа прилика да го освојат Скудетото.
– Сега или никогаш, мора да ги користиме сите прилики за да се одлепиме од нашите конкуренти. На мечот со Удинесе имавме доста повредени играчи, но головите кои ги примивме беа по наши грешки во средината на теренот– вели Гатузо.
33 – годиншниот деструктивец во дресот на Милан, го смета Интер за најголем конукрент во трката за титулата, а Касано го гледа како супер засилување за тимот.
– Не е изненадување, се уште не е во најдобра форма а веќе има три асситенции. И Касано добро знае дека ова е негова последна шанса да игра во голем клуб – смета Гатузо.
По 18 одиграни рунди Милан е на врвот на табелата со 40 освоени бода, втор е Наполи со 36 , додека трет е Лацио со 34. Бранителот на титулата Интер заостанува зад соседот 11 бода, но има и два натпревари помалку.
Видео : Голеада без победник на Сан Сиро, Интер со пресврт до победа
М.П.
