Жителите на Охрид, туристите и љубителите на природа, од овој викенд ќе може да се рекреираат и на Пикник локалитетот “Корита” и Видиковецот “Коритски рид”, кои изминатиов период беа уредени за таа намена. И двата локалитета се наоѓаат во регионот на Националниот парк Галичица, а нивното презентирање е дел од туристичката промоција на истиот.
Според најавите, свеченото отворање на двата локалитета ќе биде во недела, на 25-ти април, во 11 часот.
Надлежните од паркот информираат дека покрај овие две локации, планирано е да се уредат и уште неколку други атрактивни места за пикник, кои ќе ја збогатат туристичката понуда на Националниот парк Галичица и на Охридскиот регион.
OhridNews
