Во големото дерби на турскиот фудбал, денеска, Фенербахче на домашен терен загуби од Галатасарај 1:3.
Дербито добро започна за домашните фудбалери, кои, преку Макс Крузе во 21-та минута поведоа со 1-0. Пет минути пред првиот дел Галатасарај со голот на Рајан Донк го изедначи резултатот. Одлуката за победникот падна во последните десеттина минута. Во 80-та минута, најголемата ѕвезда во составот на Галатасарај Радамел Фалкао од пенал погоди за 1-2, а победата ја завери Хенри Онекуру во 90-та минута.
Натпреварите помеѓу Фенербахче и Галатасарај секогаш будат многу емоции кај навивачите во Турција, кои се познати по својот темперамент. Видео снимка од навивачи на Галатасарај како реагираат на едно промашување на Онекуру, кој подоцна се претвори јунак на дерби средбата, стана вирална.
Earlier in Turkey: ?? Crazy reaction after Henry Onyekuru’s miss for Galatasaray v Fenerbahce in the derby. pic.twitter.com/QLuzkj74Uf
— Oluwashina Okeleji (@oluwashina) February 23, 2020
Со победата во дербито Галатасарај на Фатих Тарим остана рамо до рамо на врвот од табелата со Трабзонспорт, додека Фенербахче заостана цели седум бодови во трката за титулата.
OhridNews
