Во рамки на денешното одбележување на 50- тиот роденден на фестивалот Охридско лето, со почеток во 21 часот, во предворјето на црквата Св. Софија ќе се одржи Гала оперски концерт на Оркестарот на Македонската опера и балет , под диригентската палка на Феликс Коробов од Русија и Солисти од Македонската опера: Славица Петровска-Галиќ – сопран, Весна Ѓиновска-Илкова – сопран, Ирена Кавкалевска – мецо-сопран, Цветан Стојановски- тенор,Горан Начевски-баритон и Солистите од рускиот Бољшој театар: Марина Шутова – мецо-сопран и Роман Муравицкиј – тенор.
Првично концертот беше планирано да се одржи на Античкиот театар, но од дирекцијата на фестивалот информираа дека е направена измена на локацијата, односно ќе се одржи во предворјето на катедралната црква Св. Софија, по завршувањето на промоцијата на монографијата.
Ohridnews
