Амбасадорот на Европската Унија-ЕУ во Македонија, Ерван Фуере, е чест гостин во Охрид. Тој е вљубеник во градот кој не крие дека му ја освоил душата. Фуере е во Охрид секогаш кога тоа ќе му го дозволи интензивната дипломатска мисија. Во тие денови тој сака да се види со своите пријатели, а меѓу нив се и охридските новинари со кои често контактира и приватно.
Евроамбасадорот не пропушта во јавните настапи да го истакне искреното пријателство со дел од охридските новинари кои како што вели посебно ги цени и почитува. Така беше и на отворањето на состанокот на независните новински агенции од регионот, кога евроамбасадорот искажа задоволство што уште еднаш е во друштво на охридските новинари со кои, као што рече секогаш е пријатно да се другарува.
Ohridnews
