Франција може да аплицира за домаќин на Зимските олимписки игри во 2030 година во своите алпски региони, изјави француската министерка за спорт, олимпијада и параолимпијада Амели Удеа-Кастера.
Француската влада ја поддржува оваа апликација, но во исто време е јасно свесна дека нејзини иницијатори се првенствено два региони и спортско движење. Тие знаат дека можат да сметаат на нашата помош при подготовката на апликацијата, која потоа ќе биде разгледана од градската комисија-домаќин, ја цитира АФП изјавата на Удеа-Кастер.
Според неа, шефовите на регионите Оверњ-Рона-Алпи и Прованса-Алпи-Азурниот брег дале соодветен предлог минатата недела.
Исто така, француските власти имаат намера да ги зголемат наградите за француските спортисти кои ќе освојат медал, како и да ги удвојат наградите за членовите на тимовите што тренирале спортисти.
Во 2024 година Франција ќе биде домаќин на Летните олимписки игри. Претходно, земјата беше домаќин на Зимските игри три пати – во 1924 година во Шамони, 1968 година во Гренобл и 1992 година во Албервил.
Градот домаќин на Олимпијадата во 2030 година ќе биде избран на 142. седница на ИОК во Париз од 23 до 24 јули 2024 година.
OhridNews
