Фото вест: „Судир кај крст-џамија“

02.07.07 00:13

Начинот на кој луѓето денес возат ве прави да си помислите никогаш да не фатите волан со рака. Ретко се пушта предност, на пешачки се застанува уште поретко, ретровизори има само за украс. И карактеристиките на некои улици во градов придонесуваат да има блиски автомобилски „средби“. Тесно грло е кај Крст – џамија и веројатно малку може да се стори да се прошири улицата „Марко Нестороски“ бидејќи џамијата е споменик на културата.

Веројатно недоволната прегледност била и причина за сообраќајката во саботата кога Југо при маневар во рикверц не било забележано од возачот на Пежо што доаѓало од правец на „Седми ноември“. Двете возила беа прилично оштетени, за среќа луѓето не беа повредени, а штетата ќе ја покрива осигурителното. Сепак овие фотографии нека се „потсетник“ добро да се отворат очи при возење низ Охрид бидејќи и бројот на возила во следниве месец и пол ќе биде удвоен.