Понекогаш и старото е убаво. Дваесетина „тркачки“ автомобили, некои произведени дури во 1928. година го окупираа вниманието на многу туристи вчера кај Метропол. Паркирани еден зад друг, автомобилите ги чекаа своите сопственици за да го продолжат релито Балкан Тур (кое и не е вистинско рели, се внимава на патната сигнализација за разлика од некои други рели-трки) Се вози низ Бугарија, Грција, Македонија, Албанија итн.


Преубав. Јагуар 8 цилиндри


Буби, мерцедеси, поршеа, бемвеа…
Сите заедно стари преку 1.000 години


Предвесникот на високата индустријализација – Форд А 1928г.

Низ разговор со некои од учесниците и сопственици на „старците“ се чувствуваше гордоста и вниманието кое им го даваат на своите миленици. Посебно ни остави впечаток еден Грк кој шраф по шраф го чистеше својот Форд „А“ модел од 1928 година. На прашањето кога би го продавал колку би „барал“ – рече „под 30.000 евра не помислувам“. Освен од Грција видовме учесници од Британија, Германија и некои балкански земји.

Спаско Костоски