Фото: Српската заедница во Охрид со пригодна свеченост го одбележа празникот „Св. Сава“

Во присуство на голем број членови и гости, меѓу нив и почесниот конзул на Република Србија во Република Македонија со седиште во Охрид, м-р Михајло Филев и градоначалникот на Општина Охрид Кирил Пецаков, српската заедница во Охрид, со пригодна свеченост го одбележа православниот празник „Св. Сава“.

Со богата трпеза, песна и веселба, православните Срби од Охрид на достоинствен начин му одадоа чест на овој светец.

Претседателот на Здружението на Срби „Коштана“ од Охрид, Среќко Стојановиќ, истакна дека и годинава продолжува убавата традиција што српската заедница ја негува во Охрид на овој празник.

Како и секоја година традицонално го одбележуваме денот Св. Сава, бидејќи тоа е денот на здружението на Срби „Коштана“ од Охрид и во таа чест се собираме тука. Традицонална прослава со славски колач, печеница и свеќи, а предвидена е и културна програма. Св. Сава е голем православец, посебно за Србите лично. Основач е на Српската патријаршија и во Србија се слави како Ден на образованието, истакна Стојановиќ.

Празникот Св. Сава секогаш се чествува благодарение на македонските институции и поддршката, истакна почесниот конзул на Република Србија во Република Македонија со седиште во Охрид, м-р Михајло Филев.

Имаме можност да го чествуваме овој празник кој е посветен на многу значаен светец за целиот христијански православен свет. Во Охрид ова е традиција на здружението „Коштана“ и српската заедница, а јас како почесен конзул нанзачен пред три години почнав активно да ја одбележуваме манифестацијата заедно со српската заендица и да придонесеме за една културна, верска, морална, етничка поврзаност и чествување на сите наши празници, бидејќи српскиот и македонскиот народ се најблиски, најбратските народи кои тоа го докажале низ вековите. Тоа го гледаме и во денешно време, а во иднина ќе бидат уште позабрзани нашите соработки на државно ниво. Тоа го прави и самиот народ, бидејќи народната безрезервна љубов го прави тоа политиката и билатералните односи ни се на највисоко ниво и се помагаме на секое поле, во едно време кога македонскиот народ и Македонија е негирана од сите други соседи, истакна Филев.

Посочи дека согласно со уставот и законите на Република Македонија кои и ги дава на српската зедница се користат сите бенефиции и услови, додавајќи дека и во иднина ќе продлжи соработката со здружението „Коштана“ од Охрид.

Инаку, Здружението „Коштана“ од Охрид брои околу 150 членови.