Фото: Претседателот Иванов на воената парада во Москва

Претседателот на Република Македонија,  Ѓорге Иванов,  денеска во Москва присуствуваше на воената парада што се одржа по повод 65 годишнината од победата над фашизмот.

На свеченоста по повод 9ти мај покрај  Иванов присуствуваат уште трисеттина шефови на држави и влади кои упатија заедничка изјава по повод 65 годишнината од завршувањето на Втората светска војна, во која се истакнуваме историското значење на победата, која ги ослободи народите од фашистичкиот окупатор.

Државниците искажаа почит кон милионите загинати во крвавата војна и положија цвеќе на гробот на незнајниот јунак.

Претседателот Иванов заедно со светските лидери присуствуваше на импозантната воена парада во Масква за време на која над градот пролетаа стотина авиони и хеликоптери, а низ плоштадот мина и механизиран конвој составен од единици од Втората светска војна, но и современи воени возила и други видови оружје.