Ракометарите на Охрид ја забележаа втората победа во контролните мечеви откако во „Билјанини Извори“ го совладаа Пелистер со 21-17 (10-5).


Клучен за победа на охриѓани против битолските „зелено бели“ беше одличниот почеток на натпреварот.


„Гладијаторите“ голманските интервенции ги капитализираа со голови и поведоа со 5-1 во десеттата минута.


Стекнатата предност домаќините ја задржаа до крајот на првиот дел кој заврши со (10-5).


Во второто полувреме ракометарите на Пелистер притиснаа и успеаја да фатат резултатски приклучок.


Но, охриѓани со неколку брзи погодоци во последните десеттина минути ги отпишаа битолчани од поволен резултат.


За пулените на Горан Андоновски е втора победа во исто толку натпревари. Првиот триумф беше извојуван во Грција против екипата на Едеса.

Мх.П.