Изминатиот викенд во Бигорскиот манастир посветен на светиот и славен пророк, претеча и крстител Јован, со низа свечености и духовна традија, го одбележа раѓањето на Св. Јован – Иванден.
По тој повод во саботата се одржа празнично бдение на кое богослужеа Архимандритот Партениј во сослужение со митрополитот Брегалнички г. Иларион и епископот Хераклејски г. Климент. Вчера се одржа света архиерејска Литургија со која чиноначалствуваше митрополит Дебарско – кичевски г. Тимотеј во сослужение со г. Иларион и г. Климент.
Во рамки на свеченостите беше отварена изложба на стари традиционални македонски носии од Дебарско-реканската етнографска целина. Изложбата е во организација на ансамблот „Македонија“, предводен од неговиот уметнички менаџер, проф. д-р Владимир Јаневски.
На Иванден Манастирот беше посетен од илјадници верници и домашни и странски гости кои освен во духовниот мир на манастирот, уживаа во традицијата и настапот на ансамблот „Македонија“.
OhridNews
Фото: Томе Љушев – Шпанец
