Охриѓанецот Роберт Костоски се закити со сребрен медал на “Вигор Бармен Купот“ кој се одржа во казиното “Фламенго“, Гевгелија. Барменот од “Куба Либре“ успехот го оствари во исклучителна конкуренција од 28 натпреварувачи од целата земја во дисциплината “Класика“ (мирис, вкус и изглед на коктелот“).
Коктелот “Куба фешн“ чии состојки се “Водка од малина, трипл сек, џус, ананас и гренадин“ беше доволен да го лансира Костоски меѓу топ три.
– Макотрпно работев на финеси на коктелот што на крај се исплатеше. Во ланското финале за “влакно“ ми избега наградата но оваа година очекував и верував во себе дека ќе се претставам во вистинско светло. Инспирацијата за “црвено – жолтиот“ коктел со кој се пласирав на второто место ја добив од кошаркарската репрезентацијата на Македонија која го освои 4-то место на Европското првенство во Литванија – потенцира популарниот “Роки“.
Заслужена радост за освоеното второ место – Костоски со победникот Ристов.
Михаил Постоловски
