Бројни верници денеска го посетија храмот Св. Петка во Велгошти за празникот Петковден, кој традиционално масовно се одбележува во овој крај.
Верниците присуствуваа на литургијата, запалија свеќи и и се помолија на светицата за здравје и среќа.
Светата православна црква празнува три личности со исто име Параскева-Петка поради што во народот често се мешаат и се мисли дека се работи за иста личност. Најчесто трите се идентификуваат со Петка Трновска, чиј спомен се одбележува на 27 октомври.
Името го добиле поради тоа што се родени во петок, а петокот како ден пред сабота, (во стариот завет саботата била празник, а не неделата) бил ден за подготовки пред празникот. Во петокот евреите се подготвувале за саботата. Параскева значи подготовка.
Н.С.Ј/Г.М.
