Фото: Фонтаната го разлади Александар на плоштадот Македонија

Фонтаната на плоштадот „Македонија“ во Скопје вчера беше пробно пуштена во употреба.

Големата фонтана ќе го разубавува споменикот „Воин на коњ“, кој комплетно треба да биде завршен до 8-ми Септември, кога на плоштадот „Македонија“ ќе се одржи централната прослава по повод 20-годишнината од независноста на Република Македонија.

До овој датум треба да биде готов и музејот на Македонската револуционерна борба покрај Вардар. За таа цел деновиве се интензивирани градежните работи во центарот на Скопје и покрај пеколните горештини.

Споменикот на воинот и Музејот, како и триумфалната капија која исто така треба да биде готова до 8-ми Септември се дел од проектот „Скопје 2014“ за кој во јавноста има поделени мислења.