Австралиската телевизија Фокс Спортс на официјалната веб-страна се извини за грешката направена при претставувањето на тимот на Интер, кога до името нашиот репрезентативец Горан Пандев, стоеше дека по националност е Бугарин.
Во соопштението објавено денеска стои:
“Во вторник на 02.март, во текот на Фокс Спортс програмот, на табелата со составот на Интер за натпреварот со Џенова, покрај имињата на фудбалерите, стоеше и нивната националност.
Во табелата имаше грешка и Горан Пандев беше претставен како бугарски државјанин и член на националната селекција на Бугарија.
Како што многумина не поправија, Горан Пандев всушност е репрезентативец и член на фудбалскиот тим на Република Македонија. Се извинуваме за случајната грешка и жалиме доколку успеавме да навредиме некого”.
М.П.
