Вечерва со почеток во 20 часот во СРЦ „Билјанини Извори“ ќе се одигра последната епизода од турнирот во баскет 3х3 во Охрид. Завршните возбудувања на баскет турнирот ќе започнат со полуфиналните, а ќе финишираат со финалните натпревари кои ќе ги дадат носителите на одличјата и наградите.
Во полуфиналето силите ќе ги одмерат Фаворити – Ликвид односно НОА – Дента Медика. Победниците од овие мечеви ќе се се судрат во финалето. Измеѓу натпреварите ќе има натпревар во тројки. Секоја екипа учесник ќе може да пријави по еден член кој ќе се натпреварува. За најдобриот ќе следува награда.
Наградниот фонд на баскет турнирот кој го организира ЈП Билјанини Извори изнесува 22 000 денари.
Двојки:
Фаворити – Ликвид
НОА – Дента Медика
OhridNews
