Филмот „Врба“ повторно на кино репертоарот во Центарот за култура Охрид

Филмот „Врба“ на светски прославениот режисер Милчо Манчевски, се враќа на кино репертоарот во Центарот за култура Охрид. Проекциите согласно здравствените протоколи ќе бидат со ограничено присуство на публика, на 7,8 и 9 септември од 20 часот.

Влез 150 денари.

Картите ќе бидат пуштени во продажба на билетарата при НУЦК “Григор Прличев” – Охрид во понеделник (05.10.2020), во ограничен број, а истите може и да се резервираат на 046 261 063.

„Врба“ ја следи приказната за три македонски жени кои не го менуваат светот или општеството, но нивната борба да станат мајки ги прави хероини во филмот.

По девет години, ова е прв филм што Манчевски го работи во Македонија. „Врба“ е филм во кој се испреплетуваат три приказни за љубовта и довербатa, едната од македонското средновековие, a другите современи. Иако ги раздвојуваат векови, ликовите во „Врба” имаат слични грижи, радости и соништа.

Врба е љубовен филм за денешни и дамнешни души. Не е важно која е темата или пораката на едно уметничко дело, важно е тоа да те допре, расплаче, насмее или налути. –  вели режисерот Манчевски.

Главните улоги ги толкуваат младите актери: Никола Ристески, Сара Климоска, Наталија Теодосиева, Ненад Нацев и веќе искусната Камка Тоциновски. Покрај нив во филмот играат и Петар Мирчевски, Благој Чоревски, Ратка Радмановиќ, Ана Костовска, Лазе Манасковски, Катина Иванова, Кире Ѓоревски, Адем Карага, Јелена Јованова Периќ и други.

OhridNews