По пристигнатите дописи од ФИФА која изрече казна на ФК Победа по потврдувањето на одлуката од Судот за Арбитража во Лозана ,  изрече казна и  на ФК Шкендија поради неподмирени обврски за фудбалерите од Сент Луис Центарот во Сенегал: (Папа Јусу Сол, Папа Бираме Фал и Мустафа Мухамаду Диоп).

Комесарот за натпревари при ФФМ , Миле Спиркоски ги имплементираше изречените казни во натпреварувачкиот систем на ФФМ со следните одлуки:

ФК “Победа” – Прилеп се суспендира од натамошното натпреварување во првенствата на Република Македонија под раководство на ФФМ во период од 8 (осум) години почнувајќи од натпреварувачката 2009/2010 година.

Натпреварите кои екипата на ФК “Победа” – Прилеп ги одигра во првиот и вториот круг на натпревари од натпреварувачката 2009/2010 година остануваат со постигнатите резултатите, додека во наредните натпревари (29, 30 и 31 коло) фудбалскиот клуб кој треба да одигра натпревар со ФК “Победа” – Прилеп натпреварите ќе ги добива со службен резултат 3 : 0,

ФИФА ја информираше ФФМ дека ФК “Шкендија” – Тетово не се придржува на
одлуката донесена од Дисциплинскиот комитет на ФИФА на ден 23 февруари
2010 година.

Врз основа на член 8 од Правилникот за натпревари на Фудбалската Федерација на Македонија и член 1 од Пропозициите за натпреварување во втората лига во натпреварувачката 2009/2010, Комесарот за натпревари на Фудбалската Федерација на Македонија применувајќи ја одлуката на ФИФА број 100003 на ден 03 мај 2010 година донесе:

Се одземаат 6 (шест) бода на ФК “Шкендија” – Тетово во натпреварувачката 2009/2010 година.