Презентација на фестивалот Охридско лето, кој годинава одбележува 50 години од постоењето, се одржа во италијалнскиот град Мерано, каде деновиве заседаваше Генералното собрание на Европската федерација на фестивали.
-Беа остварени бројни средби со претставници на европски фестивали, на институции и на ЕУ, а фестивалот беше претставен и пред педесетина акредитирани новинари од Европа, ни изјави Тони Симоноски, директор на „Охридско лето“.
Во знак на благодарност за добрата соработка, Фестивалот Охридско лето на директорот на ЕФА, Дарко Брлек, му подари Златна маска, а на градот домаќин на генералното собрание на Европсската фестивалска федерација му врачи Златна Изида, додаде Симоноски.
Фестивалот Охридско лето е член на ЕФА од 1994 година.
OhridNews
