Македонската ракометна репрезентација во вториот контролен натпревар со Црна Гора го покажа вистинското лице и триумфираше со 26-21.
Победата избраниците на македонскиот селектор Ивица Обрван ја обезбедија во вториот дел кога играа далеку подобро од првиот. Со влегувањето на голманот Никола Митревски, кој имаше во низа неколку сјајни интервенции македонските репрезентативци го коваа триумфот.
Капитенот Кирил Лазаров и Наумче Мојсовски тогаш беа непогрешливи во нападот, а и Стојанче Стоилов имаше маестрална престава.
Селекторот му даде шанса на сите ракометари кои покажаа дека има надеж за добар резултат на Европското првенство во Данска за два месеци.
Мх.П.
