Младиот возач на Ред Бул, 22-годишниот Себастијан Фетел ја освои првата пол позиција во новата сезона, пред утрешната трка за Големата награда на Бахреин, јави Макфакс.
Михаел Шумахер кој се врати во Формула 1 но во тимот на Мерцедес ќе стартува на утрешната трка од седмата позиција, а сонародникот на Шумахер и клубски колега Нико Розберг ќе стартува од петтата позиција.
Луис Хамилтон ќе го има утрешниот старт на трката од четвртата позиција, Марк Вебер од шестата а Роберт Кубица од деветата, додека актуелниот шампион Џенсон Батон ќе стартува од десетта позиција.
Минатата сезона на подиумот во Бахреин се искачи Џенсон Батон а пол позицијата беше резервирана за Јарно Трули кој имаше и набрзо извозен круг на патеката.
Ohridnews
