Барселона и по осмото коло во Евролигата не ја има почуствувано горчината на поразот, Партизан ја испушти првата прилика да обезбеди место во ТОП 16, додека Илиевски поради повреда не настапи за Олимпија.
ГРУПА А
Барселона-Жалгирис 89-55
Барселона остана единствениот непоразен тим во Евролигата, откако на домашен терен го уништи Жалгирис. МВП-то за месец ноември, Пит Микел, ги предводеше каталонците со 14 поени, капитенот Хуан Карлос Наваро постигна еден помалку, а Теренс Морис уфрли 11. Кај гостите импресивениот дабл-дабл на Тревис Вотсон од 17 поени и 14 скока кој не беше доволен да се ублажи тешкиот пораз.
Монтепаски-АСВЕЛ 83-74
Монтепаски ја забележа седмата победа сезонава, благодарение на одличниот настап на Кшиштоф Лавринович кој постигна 16 поени и Терел Мекинтајр кој додаде 13. Кај гостите 20-те поени на Лукаускис и 18-те на Маршал не беа доволни да го спасат АСВЕЛ од пораз, кој сега има минимална шанса за пласман во најдобрите 16.
Цибона-Фенербахче Улкер 80-77
Цибона се уште може да се надева на пласман во ТОП 16 по победата над Улкер. Марко Томас со 28 поени (6 од 10 за тројка) и Лукша Андриќ со 16 поени и 6 скока беа клучни играчи во остварувањето на ова вредна победа за Цибона.
ГРУПА Б
Орлеанс-Партизан 75-72
Партизан испушти огромна шанса да го потврди пласманот на ТОП 16, дозволувајќи му на Орлеанс да ја постигне првата победа во сезонава.Седрик Бенкс беше најефикасен кај домаќините со 19 поени и 7 асистенции, додека кај Партизан блескаше Мариќ со веќе стандарден за него дабл-дабл од 20 поени и 11 скока, и Лестер Меккејлеб со 13 поени.
Лиетувос Ритас-Олимпијакос 83-89
Олимпијакос мораше во продолжение да ја брка победата над Лиетувос. Линас Клиеза и Јоанис Бурусис со по 19, а Милош Теодосиќ и Џош Чилдрес со по 18 поени го заверија настапот на Олимпијакос во ТОП 16 фазата.
Ефес Пилсен-Уникаха 77-79
И Уникаха по Олимпијакос го потврди настапот во ТОП 16 откако во Истанбул го совлада Ефес Пилсен. Георгиос Принтезис ги предводеше шпанците со 16 поени,додека кај домаќините најефикасен беше Игор Ракочевиќ со 21.
ГРУПА Ц
Каха Лаборал-Унион Олимпија 62-53
Каха Лаборал ја продолжи победничката серија обојпат совладувајќи ја Унион Олимпија. Најефикасен беше Тиаго Сплитер со 15 поени и 6 скока кај домаќините и Сани Бечировиќ кај госите. За екипата на Унион не настапи нашиот интернационалец Владо Илиевски.
ЦСКА-Макаби 77-72
ЦСКА ја продолжи борбата за првото место во Ц групата со вредната победа над Макаби. Саша Каун покажа одлична игра со 21 поен и 5 скока. Чак Еидсон Беше најдобар кај поразените со 17.
Лотоматика-Маруси 74-87
ГРУПА Д
Панатенаикос –Реал Мадрид 67-76
Реал Мадрид по втор пат го совлада Панатенаикос,овој пат во Атина, во дирекната битка за првото место во групата Д. Луис Булок беше најефикасен кај гостите со 15 поени, следеа Хорхе Гарбахоса со 13 поени и 5 скока и Римантас Каукенас со12. Кај домаќините Никола Пековиќ, Мајк Батист и Ник Калатис имаа по 10. Реал ја заврши работата уштен а самиот почеток, отварајќи го натпреварот со серија 0-8.
ЕВЕ Баскетс-Химки 49-72, АЈ Милано-Проком 82-69.
К.Д.
