Европската унија побара целосна истрага за инцидентите што се случија на предвремените парламентарни избори во Македонија. ЕУ ги подржува заложбите на македонските политички авторитети да се обезбеди прегласување во местата каде што гласањето беше прекинато, се вели во соопштението на словенечкото претседателство со ЕУ. „Имплементацијата на оваа иницијатива ќе придонесе за легитимитетот на овие избори“, се додава во соопштението
Европската унија очекува прегласување на изборите на местата каде имаше закани и насилство, гонење на одговорните за насилството и создавање на атмосфера во која луѓето ќе можат да гласаат при повторувањето на изборите.
Со слична реакција се јави и амбасадата на САД. Амбасадорката Џилијан Миловановиќ, силно ги осуди изборните инциденти и изрази очекување дека сторителите ќе бидат казнети, а изборниот процес во тие делови ќе биде повторен.
ohridnews
