Репрезентацијата на Франција е победник на Европското Првенство што се одржа во Австрија. Во реприза на мундијалското финале “триколорите“ ја совладаа Хрватска со 25-20 (12-12).
Одлучувачка во победата на избраниците на Клод Онеста беше разликата која ја направија на стартот на вториот дел. Хрватите во вториот полчас немаа решение за одличната француска одбрана предовдена од феноменалниот Омејер (12 одбрaни) на голот.
Карабатич со шест гола беше најефикасен во победничкиот тим. Кај поразените Ведран Зрниќ со седум беше најпрецизен.
По победата над Хрватска, втора по ред во финалината, Франција е апсолутен владател во ракометот. На олимписката и светската , “петлите“ ја додадоa и европската круна.
M.П.
