Македонската репрезентација ги оствари скромните амбиции, пласман во главната фаза на ЕП. По овај триумф ќе пораснат апетитите како на репрезентативките така и на целата јавност.
Видно возбудени со озарени лица беа нашите ракометарки по големиот триумф.
– Многу сум среќна,го дадовме максимумот. сакам да и се заблагодарам на публиката која не понесе во моментите на слабост – рече Јулија Портјанко.
За најдобра на теренот беше прогласен голманката Тања Андреева која на 17 пати успешно интервенираше при ударите на српските репрезентативки.
– Победи екипата, а публиката беше наш осми играч. За нас секогаш се предизвик ваквите натпревари.
Србинката со македонски пасош Драгица Кресоја имаше блескави моменти во средината на мечот. За неа победата е резултат на вербата во сопствените клваитете.
– Очекував победа, верував во себе и во моите соиграчки. Гледам одлична можност пред нас и ние не се предаваме против кого и да играме.
Наредниот натпревар Македонија го игра во понеделник.
М.П.
