Оскаровецот Ентони Хопкинс многу ги изненадил сопствениците на куќата во која пораснал со неочекувана посета. Според медиумите, Хопкинс пред куќата во велшкиот град Порт Таблот пристигнал со автомобил со возач, сопругата и двајца телохранители, испил чај и запрашал дали може да ја разгледа куќата и да ја купи.
Крис Треинор, сегашниот сопственик на куќата, рекол дека знаел дека Хопкинс бил роден во таа куќа и дека низ години живеел во неа. Ја разгледал куќата и на сопственикот му рекол дека се родил во собата на неговата ќерка Попи. Тој додал дека сопругата на Хопкинс рекла дека се заинтересирани да ја откупат куќата, како и дека дефинитивно ќе размислел за понудата која била доста примамлива.
