ЕМО: Долгот кон „Ремис“ е од времето на претходниот менаџерски тим

Во врска со најавите за продажба на имот на ЕМО Охрид, заради подмирување на долг кон доверител, Менаџерскиот тим на ЕМО информира дека  долгот на компанијата кон градежната фирма „Ремис“ е всушност превземено побарување што го имала Осигурителната компанија „САВА ТАБАК“ од АД ЕМО ОХРИД   за неплатени премии за осигурување од 2004 до 2006 година, односно дека тој долг е од  времето кога со ЕМО раководеше претходниот менаџерски тим.

– Меѓу АД ЕМО и друштвата основани од него постои договор за закуп на основните средства така да и покрај евентуалната промена на сопственоста, согласно Договорот за закуп, ЕМО Челично-решеткасти стобови од Кичево и понатаму ќе стопанисува со средствата, односно со 98-те единици во наредните 10 години-информираат од компанијата.

Според најавите на 6-ти декември на продажба ќе бидат ставени 98 единици на ДООЕЛ-от ЕМО Челично-решеткасти стобови од Кичево, односно опрема, алат, материјали, трафостаница и друг инвентар на „ЕМО“, кои по вторпат ќе бидат понудени во пакет со почетна цена од 63 милиони денари, со цел да се подмират побарувањата на доверителот „Ремис“.

OhridNews