Едно од најеминентните радија во Франција и Европа, Generations Radio од Париз, кое е посветено за Хип Хоп, Ар Ен Би, Соул и Фанк музика, во недела на 18-ти јануари во 20 часот во емисијата „Good Times“ ќе презентира музика и од Владимир Четкар и ќе зборува за неговото потекло и неговиот музички пат.
Четкар моментално се наоѓа во Њујорк каде во сабота на 31-ви јануари ќе одржи концерт во светски прочуениот „Блу Ноут“ во Менхетен каде се враќа по седми пат а ќе се претстави како лидер на бендот, гитарист, вокалист и композитор-аранжер.
Четкар во Блу Ноут ќе биде придружуван од Коди Роландс на труба, Арон Хенри на тенор саксофон, Кори Волис на тромбон, Милан Милановиќ на пијано, Брајан Лед на електричен бас и Ник Фалк на тапани.
