Министерството за образование и наука за идната учебна година ќе користи современ информациски систем за електронско собирање на податоците за точениот број на бесплатни учебници, што му се потребни на секое училиште во Македонија. Оваа новина ќе се воведе со цел да се избегнат проблемите со вишок или недостиг на учебници и истите, наредната учебна година навреме да стигнат до учениците.
Во рамки на новиот информатциски систем за собирање на податоците, ќе биде овозможена и електронска комуникација на училиштата со Министерството за образование и наука. Директорите на училиштата ќе добијат официјални електронски адреси, преку кои ќе можат службено и секојдневно да комуницираат со Министерството и да се информираат за сите тековни новини, како и да бараат помош за решавање на проблемите.
Ohridnews
