Во малото финале што се одигра вечерва, екипата на Васко Речкоски ја совлада Сатеска од Волино со 3: 1 и го освои третото место на турнирот во Велгошти.
Гледачите проследија интересен меч со бројни шанси. Возбудувањата кулминираа во 13-та минута кога најпрвин Сатеска го отвори резултатот, но играчите на Васко Речкоски од првиот следен напад израмнија на 1:1.
На истекот на првото полувреме екипата на Васко Речкоски направи целосен пресврт за водство од 2:1 на паузата.
И во вториот дел се редеа шансите на двете страни, а сите дилеми околу победникот беа решени на две минути пред крајот кога беа постигнати конечните 3:1 за екипата на Васко Речкоски.
Третопласираната екипа на турнирот инкасира 15000 денари, а четвртопласираната 5000 денари.
Победникот на турнирот во Велгошти ќе биде познат вечерва, а во финалето се среќаваат АСП ПАК и Ресторан Станица и Викса Пром.
Г.М.
Фото: А. Момироска
