Екипата на ГРК Охрид во рамки на осмото коло во недела на домашен терен го пречекува Бутел. Леворакиот бек на клубот, Дејан Шешиќ вели дека очекува победа на овој натпревар.
Никому дома не му ја препуштаме улогата на фаворит. Кога играме дома, ние мора секогаш да бидеме фаворити. Ќе ги исправиме грешките од првиот дуел во Скопје. Треба да ја подобриме ефикасноста при зицери и мислам дека таа ќе ни донесе победа. Овој напревар многу ни значи, додава Шешиќ.
Натпреварот ќе се одигра во салата „Билјанини извори“ со почеток во 18:30 часот.
OhridNews
