Партијата Сојуз на Египќани на Македонија – СЕМ, ги повика пратениците од  Охрид од редовите на ВМРО-ДПМНЕ  да поднесат предлог за влез на Египќаните во преамбулата на Уставот на Република Македонија. Тоа како што истакна претседателот на партијата, Петрит Хусеин, е дел од Договорот за соработка помеѓу ВМРО-ДПМНЕ и СЕМ  Притоа Хусеин побара од Египќани да бидат единствени, сплотени и обединети бидејќи пред нив претстои историски период.


Потпретседателот на СЕМ, Демир Далип, истакна дека партијата прави се што е во нејзина моќ Египќаните да не се претопат во други етникуми, конкретно во Албанци или Роми. Притоа тој истакна дека партијата официјално ќе побара од меѓународната заедница да испрати инспектори за малцински права за да се утврди колкави права уживаат Египќаните во Р.Македонија, но и во соседните држави. Исто така партијата најави дека наскоро и официално ќе побара од градоначалникот Александар Петрески, согласно законот за локална самоуправа, да се отвори шалтерот за египќаните во Општина Охрид.

Кон серијата барања СЕМ го приклучи и тоа во Изборниот законик, кој е во фаза на подготовка, да се гарантира едно пратеничко место за Египќаните  во Р.Македонија по примерот на Косово, како и да се донесе Законот за недискриминација. Во спротивно Египќаните не ја исклучуваат можноста да излезат на мирни протести.

Ohridnews