Забавна и едукативна работилница „Животните во зима“ ќе се одржи на 9-ти јануари со почеток во 12 часот во Инфо центарот на НП Галичица – Охрид. Од НП Галичица информираат дека работилницата е наменета за деца на возраст од 6 до 12 години.
Научете како птиците, цицачите и другите животни се приспособуваат за да преживеат во зимските услови. Откријте кои се нивните стратегии за одржување на топлината, пронаоѓање храна и заштита од студот. Понесете го вашето љубопитство и желба за учење! Работилницата е одлична можност да го разбереме светот околу нас и да се поврземе со природата, посочуваат.
Додаваат дека работилницата вклучува креативни активности и игри, интерактивни приказни за животните, како и изработка на хранилки за птици кои ќе бидат поставени во природата.
Пријавување е најдоцна до 6 ти јануари на e-mail: [email protected].
OhridNews
