Советот на општина Охрид, донесе одлука да му додели еднократна парична помош, во висина од 5. 000 евра, на семејството на трагично загинатиот српски турист Дејан Новковиќ.
Со усвојување на ребалансот на општинскиот буџет , советниците го прифатија и амандманот за доделување на паричната помош, кој беше предложен од страна на градоначалникот Петрески.
-Донесовме одлука парично да го помогнеме семејството на Новковиќ, поагајќи од фактот дека убиството се случи во нашиот град и што убиениот зад себе остави три малолетни деца и невработена сопруга, изјави претседателот на Советот, Душко Јаковчески.
Деновиве за одлуката на советот ќе биде информирано и семејството и најдоцна до крајот на годинава парите ќе бидат испратени во Белград.
Т.К.
