Американскиот актер и комичар Еди Марфи, кој има 54 години, наскоро ќе стане татко по деветти пат. Неговата избраничка, австралиската манекенка Пејџ Бучер, која има 36 години, е во блажена состојба и парот во мај 2016 година ќе го добие првото заедничко дете, после три години врска.
Поранешната сопруга на познатиот комичар, Никол Марфи, со која беше во брак две децении, му роди пет деца, додека од три вонбрачни врски има уште два сина и ќерка. Најмладата наследничка, осумгодишната ќерка Ејнџел ја доби со пејачката Мел Би. Актерот изјави дека е горд што повторно ќе стане татко и што неговите деца взаемно се сакаат и почитуваат.
