Статистичките податоци покажуваат дека во последните четири месеци од 2020 година има подобрување во однос на случените сообраќајние незгоди, меѓутоа не може никој да очекува дека ќе ги немаме. Сериозно се размислува МВР да побара од македонското Собрание да се зголемат казните, а во измените во Законот за безбедснот на сообраќајот на патиштата веќе имаме одредби кои овозможуваат одземање на моторните возила. Најважната работа е превенцијата, да се изгради општествен систем во кој јавната свест и прво на најмалите деца ќесеа насочуваме како да се однесуваат во сообраќајот.
Ова е пораката од министерот за внатрешни работи Оливер Спасовски, кој денеска во кругот на МВР ја прими од претседателката на Републичкиот совет за безбедност на сообраќајот на патиштата Гордана Кожуваровска опремата наменета за потребите на сообраќајна полиција.
Најмногу прекршоци што ги идентификува МВР, информира тој, се пречекорување на брзината, возење нерегистрирано возило и управуање без возачка дозвола. Се регистрира и возење под дејство на алкохол, но по сериозните сообраќајни контроли, бројот сериозно е опаднат во овој дел. Сериозен проблем се и моторџиите кои прават проблеми во сообраќајот и ја нарушуваат безбедноста во сообраќајот и тука, според Спасовски, се потребни поригорозни мерки. Една од мерките е и одземање на моторното возило на одреден временски период.
Тој потенцира дека во рамки на МВР се разговара за тоа каде би можело да се заострат мерките за добивање подобри резултати.
Спасовски истакна дека кога се говори за сообраќајната култура и свест мора да се третира општеството во целина, да се едуцираат децата за тоа како и на кој начин да се однеуваат во сообраќајот и врз основа на тоа, преку таков процес да се добијат финални резултати, какви што се очекуваат.
Тој потенцира дека имаме луѓе кои не ги почитуваат нормите и дека има ситуации во кои на социјални мрежи овие лица сакаат да се покажат како мангупи пред јавноста, истакнувајќи дека тоа се класични бандити кои ништо друго не знаат да направат.
Наша задача е да се бориме против таков бандитизам и тоа го правиме во изминатиот период, рече Спасовски.
Тој истакна дека намалувањето за повеќе од 40 проценти на сообраќајните незгоди со смртни последици смрт и со тешки телесни повреди, ќе бидат уште поголема мотивација за полицијата, но оти тоа сепак не е доволно.
Разговараме и констатираме дека во ниту еден момент не треба да бидеме задоволни. Дури и една жртва да имате во сообраќајната незгода, таа е многу скапа. Кој било човечки живот е многу поскап од што било во државата и треба да се стремиме да го намалиме на најмало можно ниво, истакна министерот Спасовски.
Тој наведе дека во земјава немаме доволно светлосна и вертикална и хоризонтална сигнализација и тука треба да се работи многу повеќе бидејќи тие надлежности не се ниту само на МВР, ниту на Републичкиот совет, туку се надлежности што се испреплетуваат. Безбедноста, посочи Спасовски, во голема мера во државата зависи и од надлежнсотите на другите институции. Како пример тој наведе дека многу побезбедни се деловите, градовите и населените места, што се добро осветлени, во однос на оние кои немаат јавно осветлување.
Со цел зголемување на безбедноста на сообраќајот на патиштата, Републичкиот совет секоја година 30% од средствата ги наменува за модернизација на уредите и опремата на надлежната организациска единица во Министерството за внатрешни работи која врши контрола и регулирање на сообраќајот на патиштата. Согласно таа законска обврска, Републичкиот совет за безбедност на сообраќајот на патиштата годинава обезбеди 15 моторцикли PIAGGIO Beverly 300 со комплет опрема и тоа по 15 парчиња заштитен шлем –кацига , виндјакни, панталони за моторциклистите, чизми во вкупна вредност од 7. 150 761 денари.
OhridNews
