Во Центарот за култура со почеток во 19 часот Малиот драмски театар од Битола ќе ја изведе претставата „Столови“, а во 21.30 часот Градскиот театар од Охрид ќе ја одигра претставата „Валкани приказни“.
Мал драмски театар – Битола, чествува 2 годишен јубилеј. Прославата месњецов ќе се одбележи со настапи во Сараево, Белград, Врача, Скопје, Охрид, Прилеп и Битола.
Во претставата „Столови“ од Е.Јонеско во режија на Љупчо Ѓоргиевски( што вечерва ќе биде одиграна во Охрид, настапуваат доајенот на македонскиот театар Јоана Поповска и врвниот бугарски актер Анастас Попдимитров.
Во своите две години постоење Мал драмски театар – Битола реализира вкупно 12 премиери (Граница, Валкани приказни, Друга страна, Виктор, Љубов моја во 2009 и Црвено, Спиноза, Среќни денови, Госпоѓа А, Дневникот на лудиот, Сребрена свадба и Столови во 2010) и се стекна со 8 интернационални награди.
„Претставата „Валкани Приказни“ на публиката и нуди мешавина на современиот свет. Распадот што се случува во општеството достига на сцената. Оваа компилација е своевидна деконструкција на сексот и насилството. Трите лика се маргиналци (иако млади, веќе се губат во џунглата на светот, а нивното барање на сопствениот идентитет е залудно скитање), кои достигаат на јавната сцена, и слободно им говорат на младите генерации театарски гледачи. Бруталноста и вулгарноста тука се во функција на естетски категории, како еден вид хипер-реализам. „Валкани Приказни“ е чист и девствен театарски чин, кој може да се сублимира како приказ на суровата вистина.
Оваа претстава ја освои втората награда на интернационалниот театарски фестивал „Експонто“ во Љубљана, Р. Словенија, а исто така има учествувано и на интернационалниот фестивал „Аполониа“ во Фиер, Р. Албаниа. „Валкани Приказни“ гостувала и на репертоарот на Драмски театар во Скопје како и во други градови ширум државата.
Претставата „Валкани денови“ е во режија на Софија Ристеска, а улогите ги толкуваат: Никола Тодороски, Стрезо Стаматовски и Адријана Билаловиќ.
