Дванаесет припадници на Езерската полиција, денеска добија сертификати за завршена обука за операции со мали чамци. Обуката во изминатите две недели ја спроведуваа инструктори од американската крајбрежна стража.
Сертификатите на припадниците на Езерската полиција им ги врачи американскиот амбасадор, Филип Рикер, кој истакна дека оваа обука е потврда на добрата соработка помеѓу двете земји.
Директорот на бирото за јавна безбедност, Љупчо Тодоровски, се заблагодари на помошта што американската влада и ја дава на Република Македонија на полето на безбедноста и одбраната. Тој истакна дека спроведената обука е една од стоте обуки кои ги финансира САД во рамки на меѓународната програма за контрола на извозот и граничната безбедност.
Г.М.
