Петкратниот првак , Бразил на 18 настап на светските првенства ќе игра против селекциите на С.Кореа, Брегот на Слонова Коска и Португалија. Селекторот на Бразил, Карлос Дунга, по ждребот рече дека ова е многу тешка група и дека дуелот со Португалија ќе биде одлучувачки за нивниот пласман понатаму.
– Прилично интересна група со многу добри тимови. Мора да бидеме смирени и во секој натпревар да влеземе многу сериозно. Мора да бидеме максимално концентрирани.Кога ќе ги видам тимовите кои играат со нас во групата, мислам дека најважен ќе биде оној со Португалија. Имаме големо ривалство со Португалците и без никакви сомневања тоа ќе биде многу емотивна пресметка и мора да бидеме подготвени на тоа.– заврши Дунга. Во првото коло играат Бразил – С. Кореа, Португалија – БСК.
Еден од фаворитете на Мундијалот, Англија се најде во Ц групата заедно со Сад, Алжир и Словенија. Селекторот на Англија, Фабио Капело, изјави дека нивната група е некако најбалансирана од сите и предупреди дека Алжир не треба да се потцени.
– Алжир воопшто не е лесен противник како што се мисли. Се сеќавам дека многу групи на претходните првенства на почеток изгледале лесни, но потоа не беше така.Што повеќе се концентрирате на екипите кои се слаби на прв поглед, ќе видите дека они всушност се силни. Мораме добро да ги простудираме добро нашите противници и нивните карактеристики – рече Капело.
Англија на отврањето ќе игра против САд, Словенија проитв Алжир.
М.П.
