Кружна велосипедска трка ќе се одржи денес во Охрид со почеток во 12 часот во рамки на календарот на Велосипедска федерација на Македонија.
На трката ќе земат учество околу 60 до 80 учесници претежно од клубови од Македонија и ќе се вози во повеќе категории до 13 години, до 15 години, елит и мастерс. Трката ќе се одржи во областа Горица, кружна трка и ќе се одвива помеѓу Горица 2 и Горица 3 кон Горица 1, каде се врти кај ридот кај Инекс и се враќа назад, велат организаторите.
Трката е во рамки на Трофеј Охрид – КУП на Македонија во организација на Велосипедска федерација на Македонија, ВК Лихнидос од Охрид, под покровителство на Општина Охрид.
Н.С.Ј.
